144. De sancta Barbara.

la. O felix virgo Barbara,
Ex stirpe regum genita,
Te laudant coeli agmina.

1b. Veni, consolare nos,
Tibi servos gregatos,
Virginum tu virgo flos.

2 a. Per divinam clementiam
Vicisti potentiam
Tui patris versutiam,

2 b. Qui te tormentis plurimis
Compulit, ut idolis
Libares sacrificiis.

3 a. Confortata in carcere
Per angelum ab aethere,
Dans tibi sertum gloriae

3b. In passionis tempore,
Te texit Christus hodie
Stola innocentiae.

4 a. O beata Barbara,
Mariae pedissequa
In coelesti curia,

4 b. Fortis agonista es,

Aeterna nobis vera spes,
Nobiscum in agone stes.

5 a. Da tuis fidelibus
In te confidentibus
Bona temporalia,

5 b. Da in vitae vespera
Aeterna nobis gaudia,
Cum Christo regnans Barbara.