VARSAVIEN. 147

aliquando coniugibus tantummodo perspecta. Quocirca per tales coniuratores necessarium fuit quammaxime fidem con- iugum roborare et in tuto ponere, non solum in causis im- potentiae coeundi, sed etiam in aliis.

Denique Archiepiscopus tertiam complexam quaestionem sub hisce quatuor dubiis proponit:

1. « Liceatne sine speciali pro unaquaque vice permis- sione S. Congregationis recipere instantiam et instituere pro- cessum in ordine ad effiagitandam dispensationem Sanctis- simi? - e t , quatenus negative. -

2. « Liceatne, absoluta instructione causae ex titulo im- potentiae physicae, quum inspectio corporum demonstravit virginitatem uxoris, non tamen evicit impotentiam mariti, transmittere acta causae ad S. C. pro impetranda Sanctis- simi dispensatione?

3. « Si uxor virginem se esse contendens, virginitatem- que suam per inspectionem evincere sustinens, maritum im- potentiae insimulat, - is vero contumax est, vel, comparendo, negat, sed inspectioni succumbere renuit - liceatne unilate- raliter id est ad solam uxoris instantiam processum ulterius tractare ac deinceps acta ad S. C. transmittere, petendae a Sanctissimo dispensationis causa; an vero processus sit in- hibendus veniaque S. C. in ulteriorem eius instructionem impetranda?

4. « Num in supra relatis casibus (1, 2 et 3) necessario annectendae sint non modo coniecturae Defensoris, sed etiam opiniones Theologi et Canonistae? »

In primis inquirendum an processus in causis matrimo- nialibus super dispensatione a matr. rato et non consummato instrui possint ab Ordinariis absque delegatione Romani Pon- tificis. In propositam quaestionem haec animadvertantur. Agens Bouix de modo servando quoad dispensationes matri- monii rati et non consummati et quaerens an in expedienda causa dispensationis huiusmodi servandae sint apud S. Con- gregationem solemnitates a Benedicto XIV praescriptae in. causis nullitatis matrimonii, haec habet (De iudiciis II c. 3)