144.

1. Vivus panis angelorum,

Vitam praebens electorum,

Tu es spes desperatorum.

2. Infinita potentia

Inter contradictoria

Dixit, facta sunt omnia.

3. Nobis natus, nobis datus,

Ex Intacta procreatus

Umbra sancti spiritus.

4. Corpus tuum tradidisti,

Dum te Ipsum obtulisti,

Diris plagis afflixisti.

5. Ecce libamen gratiae,

Salus aeternae gloriae,

Ens entium potentiae.

6. Nobis praestet nunc solamen

Pius pater, sanctum flamen

Passionis gratia.

7. Cujus morte sumus redemti

Et sanguine renovati

Peccatorum scoria.

8. In altari hic tractatur,

In figuris praesignatur,

Sicut scriptura testatur.

9. Ut post hujus finem VItae

Adscribamur libro vitae,

Regnum meum accipite,

.O. Sit laus almae trinitati

Et immensae majestati

Honor virtus et gloria.