152. De sancta Barbara.

la. Christi mira vis amoris,
Admirandi est dulcoris
Jesu Christi gratia,

1b. Qua referta est electa
Barbara, pro fide recta
Superat martyria.

2 a. Trium typo fenestrarum
Mentis lumen signat clarum
Turris aedificio,

2b. Nervis pater hanc taurorum
Caedit, plagas hinc membrorum
Perfricat cilicio.

3 a. Claudit carcer sic afflictam,
Sed non solam sic relictam
Rex coelests visitat,

3 b. Suae sponsae miseretur,
Laesae plagisque medetur,
Pugnae vires suscitat.

4 a. Sanam pater hanc miratur,
Judicique presentatur
Evoluta carcere,

4b. Laeta Christum confitetur,
Falsos deos nec veretur
Palam maledicere.

5 a. Nuda mox exagitatur,
Usta face laceratur
Latera et ubera,

5 b. Christum sibi tunc praesentem,
Albam stolam deferentem,
Conspicit per aera.

6 a. Martyr sacra decollatur
Impetrato, quod precatur,
Pro suis cultoribus.

6 b. Hanc invitans praestolatur
Christus, sponsam amplexatur
Apparens in nubibus.

7 a. Digna laude triumphali,

Nos a morte gehennali,

Virgo victrix, libera,

7 b. Fac ut memor sit promissi
Fides pia Jesu Christi
Nostra sanans vulnera.

8. Amen dicant omnia.