VARSAVIEN. 151

nullitatis ex capite impotentiae, iudex Ordinarius, plane com- petens , emittit decretum citationis, et contra contumacem mediis coercitivis procedere potest; at, si hoc non expediat, vel si, hisce non obstantibus contumacia non perfringitur, tunc ad instantiam partis diligentioris procedit ad compa- randas eas probationes, suapte natura efficaces in iudicio de nullitate ex capite impotentiae. Quod si vir, impotentiae in- simulatus, ipse sit in omnibus contumax aut solummodo cor- poris explorationi nullimode subesse patiatur, hoc casu sane Episcopus de impotentia sententiam ferre non posset, sed processum iam incoeptum deberet sententia definire, decer- nendo non constare de nullitate ex viri impotentia ob huius contumaciam, quamvis gravissima militent iudicia in partem affirmativam ob exploratam mulieris originalem integritatem.

Deinde si mulier sibi consulere velit, postulando a S. Pon- tifice dispensationem a matrimonio rato, et non consummato plane utitur iure suo ; et Episcopus acta processus denegare non potest, quaeque, ceteris paribus, nulla indigent sana- tione. Nam scitissimi iuris est, debere distingui acta causae ab actis iudicii. Acta iudicii dicuntur illa quae respiciuut or- dinationem iudicii : ut sunt citatio, litis contestatio, termini perentorii aut utiles; et alii eiusdem generis; acta causae vocantur illa quae concernunt indagationem veritatis ad li- tem decidendam; prouti sunt testium depositiones, instru- menta, confessiones et in universum aliae probationes in acta redactae. Atqui perempta instantia, seu finito iudicio, acta iudicii non habent effectum in alia instantia; at causae acta seu probationes fidem faciunt etiam in alio iudicio inter eas- dem personas; uti cum communi inferunt Reiffenst. Lib. II, Decret, tit. I, n. 187 ; Pirhing. h. t. n. 96 eoe cap. 11 De testibus et 2 De excepi. Quapropter acta causae in iu- dicio ex capite impotentiae plenum habent vigorem, si aliunde legitime sint confecta, etiam in alia instantia coram S. Pon- tifice ad impetrandam dispensationem.

Exinde confirmatur responsio iam facta quarto dubio, nempe requiri Defensoris matrimonii ex officio animadversiones,