153. De sancto Bartholomaeo.

la. Psallat clerus

In laudem Bartholomaei
Die isto,

1b. Vir sincerus

Dat Indis accessum spei
Duce Christo.

2 a. Astaroth apostolum
Tacens sensit idolum,
Causa latet,

2 b. Res a Berith quaeritur,
Veritas asseritur,
Sanctus patet.

3 a. Qui delens simulacra
Per baptismi lavacra
Gentes mundat,

3 b. Hinc purgatis sordibus
In novellis cordibus
Fidem fundat.

4 a. Fugat ille daemones,
Quibus visis homines
Christo credunt.

4b. Invident pontifices,
Lividi carnifices
Sanctum caedunt.

5 a. Morbos verbo medicat,
Regem Deo dedicat,
Fidem veram praedicat
Voce clara.

5 b. Astrages rex praecipit,
Sanctum tortor recipit,
Cujus hostes decipit
Mors amara.

6 a. Justus extrahitur,
Caesus attrahitur
Vivoque pellis
abstrahitur.

6 b. Mox plexus capite
Jam regnat debite
Mortis oblitus
praeteritae.