152 VARSAVIEN.

quando processus in Curia conficitur sive ex Episcopi pote- state ordinaria sive ex delegata S. Pontificis, quia a cano- nibus haec opera Defensoris matrimonii ex officio requiritur, at nullibi exquiritur, inter acta processualia, Theologi et Canonistae votum.

At Archiepiscopus occurrens casui responsionis negativae, has obtulit preces: « Denique, si decisio S. C. C. ad tria priora dubia futura sit negativa, rogo enixe Eminentiam Ve- stram, exponi Sanctissimo Domino meas humillimas preces, ut in eiusmodi casibus, identidem recurrentibus, mihi, meis- que in Provincia Varsaviensi Suffraganeis, ob periculum in- continentiae, partibus ex mora quippe in locis a Roma mul- tum dissitis imminens, concedatur licentia causam sine pe- culiari pro quolibet casu impetratione veniae instruendi, praemisso processu informativo de causis dispensationis, ac deinde tabulas ad S. Congregationem transmittendi, ut, si Eminentissimis Patribus visum fuerit, Sanctissimo de con- cedendae dispensationis beneficio supplicetur. »

Sapientiae Vestrae et prudentiae erit E E . PP. iudicare an et quomodo his precibus annuendum sit. Interim mihi li- ceat advertere, nihil ex iure videri obstare quo minus Epi- scopi petitio benigne excipiatur; pro praxi vero admodum accommoda videtur haec ratio agendi, illi iudiciorum sollicitae expeditioni quae Vobis in votis usque fuit.

Hisce animadversis proposita fuerunt diluenda

D u b i a

I. Sitne in causis nullitatis matrimonii ex quocunque ti- tulo coram Iudice Spirituali agitatis necesse exigere, ut te- stes septimae manus producantur, an vero id in solis causis ex capite impotentiae devolutis observandum, in ceteris au- tem omnibus praetermitti posse?

II. Liceatne sine speciali pro unaquaque vice permissione S. Congregationis recipere instantiam et instituere proces- sum in ordine ad efflagitandam dispensationem Sanctissimi?