154. De sancto Bartholomaeo.

la. Laudes regi sempiterno
Festo chorus hodierno

1b. Psallat melo dulciore,
Nato regis praecentore.

2 a. Volo pater, psallit natus,
Ut, qua tecum sum beatus,

2 b. Illic et minister meus

Sit mecum, Bartholomaeus.

3 a. In me credens, me confessus,
Post me regem est ingressus,

3 b. Princeps regni constitutus,
Tulit crucem me secutus.

4 a. Pauper erat, volo dives
Regnet inter coeli cives.

4b. Opes pauperum meorum,
Volo, sit regnum coelorum

5 a. Mitis erat et mansuetus,
Possideat terram laetus,

5 b. Terram jugiter viventum,
Terram nunquam morientum.

6 a. Lugens erat, consoletur,
Flevit, rideat, laetetur.

6 b. Esurivit, saturetur,
Sitivit, inebrietur.

7 a. Misericors comprobatur,
Passis compatiebatur,

7 b. Clementiam sectabatur,
Clementiam consequatui

8 a. Mundus corde servus meus,
Cernat me, qui Homo-Deus,

8 b. Noscat solum veram Deum
Me Jesum et patrem meum.

9 a. Pacificus habebatur,
Volo pace perfruatur,

9 b. Deo similis videtur,
Dei filius vocetur.

10 a. Martyr perstitit fidelis,
Merces ejus sit in caelis;

10b. Merces martyrum meorum,
Volo, regnum sit polorum.

11a. Mecum sit electus meus,
Quem elegi ego Deus,

11b. Tecum gaudeat beatus,
Mecum regnet coronatus,

12 a. Fac, benigne Dei nate,
Fac in bona voluntate,

12b. Cunctos bonae voluntatis
Tecum esse cum beatis.