177. De sancta Clara.

la. Lucis novae claritas
Illustrat ecclesiam,
Quam insignit sanctitas
Nova Clarae.

1b. Praecellens humilitas

Redundans in gratiam,
Laudis et sublimitas
Tam praeclarae.

2 a. Haec in matris utero
Quasi lumen radians
Mundo fore misero
Praesignatur.

2 b. Quae clara progenie,
Sacris rebus inhians,
Sub virtutum serie
Regulatur.

3 a. Haec Francisci filia
Et lapis primarias
Inclusarum, praevia
Dux virtutis.

3 b. Quarum multa milia
Sequuntur ardentius
Ejusdem vestigia
Spe salutis.

4 a. Crebrescunt miracula

Ob vitae praeconium,
Approbantur singula
Fide plena.

4 b. Liquor crescit olei
Ac panis edulium,
Pars fugatur fidei
Aliena.

5 a. Mors Christi praesentia
Ac sacratae virginis
Et coelestis curia
Honoratur.

5 b. O quam clarus exitus,

Per quam sacri flaminis
Donum nobis coelitus
Largiatur.