174.

Pangamus melos gloriae

Regi regum victoriae.

Qui natus est de virgine

Et nos redemit sanguine,

Nos emundans a sordibus

Infundens nostris cordibus

Nunc flamen sancti spiritus,

Qui dicitur paraclitus.

Cujus nos resurrectio,

Pariter et ascensio

Conjungat nos coelestibus

Consortes Christi civibus

O angelorum domina,

Audi nostra precamina

Et ora tuum filium

Pro nobis, spes humilium.

Gaudentes cum tripudio

Benedicamus Domino.

Sit benedicta trinitas,

Deo dicamus gratias.