184 EPISTOLA ENCYCLICA

habere voluit per Mariam (1), eiusdem suffragio et gratia, faveat communibus votis, cumulet spes; accedente benedictionis Apo- stolicae auspicio, quam vobis ipsis et vestro cuiusque Clero po- puloque peramanter in Domino impertimus.

Datum Romae apud S. Petrum die VIII Sept. an. MDCCCXCIV, Pontificatus Nostri decimo septimo.

LEO PP. X I I I .

«

EX S. CONGREGATIONE RITUUM

CASTRI MARIS. Dubia varia.

Die 20 Iulii 1894.

Hodiernus Redactor Kalendarii dioecesani Castrimaris de mandato sui Rmi Episcopi Sacrae Rituum Congregationi se- quentia dubia pro opportuna solutione humillime subiecit, ni- mirum :

Dubium I. In civitate Castrimaris extat ecclesia, quae Beatae Mariae Virgini nuncupatae de Succursu fuit dicata, uti patet ex actis authenticis, scilicet : ex instrumento fundationis per publi- cum Notarium confecto, ex inscriptione super campana eiusdem ecclesiae apposita et ex imagine eiusdem Virginis sub eodem titulo, publicae fidelium venerationi in maiori altari exposita. Quum tamen eadem ecclesia in sua solemni consecratione, nulla facta mentione de supradicto titulo de Succursu, Sanctissimis Nominibus Iesu et Mariae fuerit dedicata; quaeritur an Clerus Civitatis, eiusdem ecclesiae servitio addictus, debeat celebrare, uti titulare, et sub ritu Duplici primae classis cum octava, so- lummodo festum de Sanctissimis Nominibus Iesu et Mariae, an etiam festum Beatae Mariae Virginis de Succursu?

Dubium II. Quando in aliqua ecclesia agitur de Sancto in die non propria, et de eo, ob speciale privilegium a S. Sede Apostolica obtentum canitur, et leguntur Missae, uti in die festo; in hisce Missis Aerine debet Commemoratio de Officio diei?

(1) S. B e r n a r d u s , serm. in Nativ. B. M. V. n. 7.