188. De sancta Dorothea.

la. Salve, virgo generosa,
Sponsa Christi speciosa,
Veneraris hodie:

1b. Jubar altae claritatis
Et immensae dignitatis
Apud regem gloriae.

2 a. Senatorum prosapia
Ortum ducis, virgo pia,
Cum virtutum schemate,

2 b. Dorothea vocitaiis,
Sumopere adamans
A beato pneumate.

3 a. Fabricius conculcatur,
Poenis Stygis deputatur
Pro sua malitia,

3 b. Sertum fulvum et gemmatun
Tibi datum et stellatum
Pro tua militia.

4 a. Surdis, claudis, caecis, nudis
Salus adest et defunctis,
Leprosis et contractis,

4b. Per merita sua sacra
Daemonium et podagra
Abest, febris et pestis.

5 a. Dum profana reputans,
In catasta confrixaris
Uncisque laniaris.

5 b. Fame diu cruciaris,
Faculis duris cremaris
Virgisque flagellaris.

6 a. Post haec scriba Theophilus
Te exposcit incredulus
Sibi mitti mala, rosas,
Signum tui meriti.

6 b. Adest puer purpuratus,
Inquit: virgo, ut sit gratus,
Theophilo hoc praesenta
Donum regis incliti.

7 a. Statim cervice extensa
Orat voce cum immensa
Pro his, a quibus colitur
Ejus felix passio.

7b. Mox auditur: sponsa, veni,
Tibi dabo, in perenni
Ut tecum tui servuli
Regnent cum tripudio.