185.

1. Almi tonantis nobilis

Virgo speciosa,

Super omnes spectabilis,

Sponsa gratiosa.

Excelsum sidus luminum,

Regina coelorum,

Quam elegit ab aeterno

Rector aetherorum,

Audi vota supplicum,

Maria, tuorum.

2. Tu, quae partu mirifico

stupente natura

Es effectu deifico

Teneris aurora.

Parentis cum exilio

Mederis filio,

Unde vera lux oritur

Patrum excidio,

Unibrae quos detinuit

Longaeva regio.

3. Sic nos quoque tui partus

Freti solatio,

Cunctis per quam oris salus

Venit auxilio,

Te precamur, mater Dei

Forma sanctae spei,

Vota precantum suscipe,

Nam te orant rei,

Fac tecum exsistamus

Cives aetherei.