190 EX S. C. RITUUM

numerus, qui a suis officiis distrahi nequeunt, ut in solemnibus Vesperis hebdomadario assistant.

Inde quaeritur : I. Archidiaconus et Capitulum rectene egerunt statuendo

Caeremonialis Episcoporum in divinis officiis observantiam, praesertim ad vesperas solemnes; ac proinde talis agendi ratio S. Rituum Congregationis approbationem ne meretur ?

II. Continuari potest vetus consuetudo, qua, pluviali induti quatuor aut sex canonici hebdomadario comitantur quin dia- conorum officium adimpleant?

III. Quatenus negative ; quia canonici et dignitates ex variis S. Congregationis decretis prohibentur diaconorum vices agere, nam eorum praebendae non diaconales sunt, sed presbyterales ; nec non quia canonici in hac Ecclesia solum Episcopo Diaconi officio funguntur; possuntne portionárii diaconorum praebendis gaudentes et ad canonicorum gradum non pertinentes cogi, ut in divinis officiis, praesertim vero in vesperis solemnioribus, diaconi officium adimpleant?

IV. Quia chorus a maiori altari distat iuxta sententiam De Herdt in hoc casu, hebdomadarius et assistentes dum ad Ma- gnificat transitum faciunt a choro ad altare maius, illud incen- sandi causa, cooperto capite incedere possunt ?

V. Cum maior distantia sit a choro usque ad Sacellum ubi asservatur S S m a Eucharistia, cumque illuc ascendere, per tres scalas, quae sunt in tractu difficile senibus sit, potestne San- ctissimi Sacramenti thuriflcatio omitti, ut diu factum est: et qua- tenus negative, idipsum per specialem gratiam, attentis expo- sitis concedi potest?

Et Sacra eadem Congregatio ad relationem infrascripti Se- cretarii, exquisitoque voto alterius ex Apostolicarum Caeremo- niarum Magistris, re mature perpensa, ita propositis Dubiis re- scribendum censuit videlicet:

Ad I. Ad Caeremonialis Episcoporum observantiam, iuxta Apostolicas Constitutiones teneri omnes ecclesias, praecipue autem metropolitanas cathedrales et collegiatas;

Ad II et III. Servetur Caeremoniale Episcoporum; Ad IV. Servetur consuetudo; Ad V. Affirmative; nisi SSmum Eucharistiae Sacramentum

solemniter sit expositum. Atque ita rescripsit et servari mandavit die 17 Augusti 1894.

C. CARD. ALOISI-MASELLA S. R. C. Praefectus. L. « S.

ALOISIUS TRIPEPI Secretarius.