APPENDIX II. 193

S. C. S. Officii 21 Iulii 1880. - Vic. Ap. Bengal. Dubia quoad admissionem ad Fidei professionem etc.

1. An tuto admitti possit ad fidei catholicae professionem puella

decem annorum in monasterio degens, eiusdem patre haeretico invito.

2. An tuto admitti possint ad fidei catholicae professionem puellae

in monasterio degentes, quarum parentes haeretici consentientes sint,

imo spondeant se easdem in matrimonium daturos catholicis viris,

quamvis quoad se ipsos declarent, haereticos se esse, et tales perma-

nere vel le .

3. An tuto admitti possint ad fidei catholicae professionem puel-

lae (ut in praecedenti), quamvis ipsi (parentes) catholici non sint, sed

indifferentes, hoc est increduli.

4. An sine mora admittendae sint ad fidei catholicae professionem

et Sacramentorum susceptionem puellae in praesenti bene dispositae ;

vel earum admissio differenda erit usque ad matrimonium cum catho-

lico vi.ro, propter timorem perversionis?

5. Si differenda : an admittendae sint in monasterio ut edoceantur

catholicam fidem, vel expectandum usque ad tempus matrimonii cum

catholico viro ?

R. Ad 1. Curet prius Vicarius Ap. totis viribus consensum patris

puellae obtinere : si consensus non obtineatur, perpendat serio incom-

moda quae ex talis puellae admissione in Ecclesiam provenire praevi-

deantur, tum quoad periculum proximum perversionis eiusdem puellae,

tum quoad grave damnum scholae ac missionis catholicae; et quatenus

nulla, aut spernenda incommoda praevideantur, eamdem admittat sine

mora : quatenus vero gravia praevideantur incommoda futura, eiusdem

admissionem ad formalem et publicam professionem fidei catholicae

differat, nisi periculum mortis immineat ; et interim curet eam hortari

ut in bono proposito perseveret, atque Deum precetur ut obstacula

omnia auferre dignetur; simulque curet ut ipsa in monasterio manere

pergat, et tali modo suam educationem catholicam compleat et perficiat.

Ad 2. et 3. Affirmative; et curent ut parentes stent promissis. Et

quoad 1. 2. et 3. cum mente ; mens est ut fiant opportunae inquisi-

tiones super valore baptismatis puellarum: et quatenus his peractis,

probabile dubium supersit de validitate huius baptismatis, puellae se-

creto baptizentur sub conditione.

Ad 4. Negative, nisi fundata affulgeat spes catholicae earum edu-

cationis.

Ad 5. Provisum per responsiones ad 1. 2. et 3 ; et si ulteriores

difficultates exurgant, R. P. D. Vicarius Ap. recurrat in singulis casibus.

Acta, Tom. XXVII. fase. CCCXVI. 13