191.

1, Celsa parens,
Sordis carens
Contagio,
Mundi electa exordio.

2. Prophetarum
In te clarum
Praeconium
Coopertum exstat veridicum.

3. Tu, puella,
Jacob stella
Mirifica,
Patrum limbo spes magnifica.

4. Jesse virgo,
Tu arida
Fronduisti,
Leges physicae excessisti.

5. Udum vellus,
Sicca tellus
Gedeonis
Illaesa signa fert pudoris.

6. Virgo, vatum
Paris natum
Praeconio,
Patrum mederis exilio.

7. Tui partus
Dulcis fructus
Sceleratis
Det vincere cum beatis.