197. De sancto Erasmo.

la. Gloriose martyr Dei,
Nos orantes respice,
A te quod optamus rei,
Hoc in nobis perfice.

1b. Gaudes in coelorum thronis
Carnis per interitum,
Fac nos tuae passionis
Gaudere post exitum.

2 a. Audi regni consodalis
Fletus in periculo
Tuae laudi, nullus talis
Visus est in populo.

2 b. O quam pium, quam beatum,
Quam felix promissio,
Qui te venerantur gratum,
Illis fit remissio.

3 a. O Erasme, O praeclare,
Fac nos recta sapere,
Inimicum superare,

Post hanc vitam vivere.

3 b. Si sint tantae pravitatis
Cordis impugnantia,
Vultus tuae sanctitatis
Nostri sit custodia.