192.

1. Coelicolarum sublimi,
Flori florum virgini
Laudibus resonemus,
Neuma dignum pneumate.

2. Ezechielis haec porta,
Soli Deo pervia,
Ex divo spiramine
Vero nitet lumine.

3. O quam felix, quam beata,
Gignis patrem creata,
Conditorem omnium
In salutem hominum.

4. Inaudita haec natio,
Quam humana ratio
Lippis cernit oculis,
Cedit lumen tenebris

5. Eja mater summi Dei,
Formula sancta spei,
Sub tuo praesidio
Nos commenda filio.

6. Ut hora nostri exitus
Clemens et propitius
Post purgatum spiritum
Det felicem obitum.