193.

1. Concinat plebs christicolarum.
Neuma dulce flori florum,
Sacratae virgini,
Quae salutem contulit homini

2. Haec est nitida Jacob stella,
Venustissima puella,
Speculum pudoris,
Thymiama fragrantis odoris.

3. Haec est cypressus Sion sita,
Cedrus alta et Incisa
Vertice Libani,
Aromatizans odor balsami.

4. In Jericho haec rubens rosa,
Olea campis formosa,
Et In Cades palma,
Suavitatis myrrha electa.

5. Vitis vera tu fructifera,
Nardus et odorifera.
Specimen honoris,
Sapidissimi favus dulcoris.

6. Eja dilectionis mater,
Veritatis tutum Iter,
Norma sanctae spei,
Supplex precor, miserere mei.

7. Conciliare tuum natum,
Ne det gravem ob reatum
Diti tartareo,
Sed secum locet poli solio.