202. De sancto Eugenio.

la. Psallat cum tripudio
Laeta praesens concio
Praesentans Eugenio
Vota grata.

1b. Cujus ministerio
Toletana regio
Est a cultu devio
Revocata.

2 a. Accelerans Galliam
Ad patris praesentiam
Turbam habet obviam
Paganorum.

2 b. Quaerunt, an dis famulus ;
Sum, dixit intremulus,
Cultor Christi sedulus,
Non deorum.

3 a. Mox truncato capite
Viri mentis concite
Prosternunt in gurgite
Corpus caesum.

3 b. Immenso volumine
Temporum in flumine
Latuit putredine
Nunquam laesum.

a. Vir saluti redditus,
Prout erat monitus,
Paruit sollicitus
Imperio.

4b. Corpus tractum latice
Locat honorifice
Constructae basilicae
Sacrario.

5 a. Nunc praesens ecclesia
Martyris praesentia
Exsultet laetitia
Speciali.

5 b. Cujus precum gratia
Per temporum spatia
Sit praesens familia
Expers mali.