2oa

EX S. CONGREGATIONE CONCILII

PARISIEN.

DISPENSATIONIS MATRIMONII

Die 16 Iunii 1894. Sess. 24 Cap. 5 De reform.

COMPENDIUM FACTI. Die 1 0 Aug. 1 8 7 6 Gilbertus S. . . . aet. 44 annorum et Laura L. . . . aet. 29 an., ambo ex ci- vitate Parisiensi, matrimonium contraxerunt inter se in for- ma Tridentina, obtenta super cultus disparitate dispensatione, praemisso, secundum legem Galliae, actu civili, et statim individuam vitae consuetudinem ducere coeperunt in domo mariti. Verum, quam misera sorte collocata Laura fuerat, brevi patuit. Pro marito ebriosum, inhumanum percussorem et turpem sodomitam habuit, ut ipsa et uno ore testes omnes, qui plures sunt, proclamant. Exhorruit sane puella et totis viribus libidinosis viri spurcitiis semper resistere conata est. In dies tristior efficitur, idque rescientes parentes eius, et animadvertentes insuper, filiam hac de causa grave in valetudine detrimentum passam esse, medico impellente, ad propriam domum illam reduxerunt. Hoc contigit Ianuario mense anni 1 8 8 1 .

Transactis dein aliquibus annis, mense martio 1 8 8 7 , mu- lier divortii sententiam a iudice laico postulavit ac conse- quuta est. In decursu vero huius actionis civilis, quod prae- stat recolere, Laura duo documenta produxit Dñi Brouardel, quibus fides fiebat, hanc mulierem adhuc virginem esse, et peritorum viri corpus inspicientium conclusiones infirmaban- tur. Vicissim vero vir attestationes DD. Martineau et Des- couts allegavit, quibus de sua viri potentia testimonium da- batur, simulque ad trutinam revocato documento Dñi Brouar- del , inferebatur matrimonii consummationem locum habere