208. De sancto Floriano.

la. Salve, martyr gloriose,
Passionis qui famosae
Torcular ingrediens

1b. Indumentum rubricasti
Teque ipsum abnegasti
Pugnaturus prodiens.

2 a. Regum jussa refutasti,
Laureaci triumphasti
Aquilino praeside,

2 b. Idolis libare jussus,

Dum contemnis, es discussus
Fustium examine.

3 a. Uncis scapulas evulsus
Cadis in flumen propulsus
Tortoris ex furia,

3 b. Supra petram sed evectun
Et ab aquila protectum
Tollit te Valeria.

4 a. Dum portaris ad humandum,
Lassis bubus ad potandum
Scatet fons dans gratiam;

4 b. De sepulchro virtus manat,
Per te Deus aegros sanat
Et dat lapsis veniam.

5 a. Agonista triumphalis,

Non devictus mandi malis,
Ultro petens proelia,

5 b. Nil in te per blandimenta
Praeses, nihil per tormenta
Proficit crudelia.

6 a. Transiens hanc mundi vallem
Regium incedis callem,
Campi ductor nobilis,

6b. Quem nec mundi dextra mollit,

Nec sinistra robur tollit

Muri tam immobilis.

7 a. Ergo nos currentes post te
Prece trahens fac a poste
Ne pellantur Domini:

7 b. Floriane, flos qui flores
Inter veros Eden flores
Correspondens nomini,

8 a. Causae nostrae te patronum

Delegamus ante thronum

Divinae clementiae.

8 b. Iram placa, quam meremur,
Sta pro nobis, ut laetemur
Reformati gratiae.

9 a. Carnem nostram reflorere
Fac et ultra non marcere
Vitiis urentibus,

9 b. In splendoribus sanctorum
Ut frumur angelorum
Coelicis concentibus.