210 PARISIEN.

videatur. Ulterius Descourt assertio licet theoretice vera, in casu tamen uti nullius valoris est habenda: nam Dr. Brouar- del eam expresse excludit in resp. 6.

Ergo talis est membrana Oratricis, ut non cedat membro virili et per eiusdem membri ingressum omnino rumpi de- buisset. Ex alio tandem capite irritatur assertio doctoris Descourt. Siquidem Dr. Bucquoy in sua attestatione habet : « l'hymen offre une légère résistance, qu'il serait facile de vaincre, si l'on voulait porter le doigt plus avant dans la cavité vaginale. Sans même aller jusqu'à faire cette tentative on éveille une douleur assez vive ». Iamvero Gilbertus S in responsione 6. asserit: «Dans nos premiers rapports ma femme n'a pas éprouvé de douleur ». Quod im- possibile ex dictis apparet. Restat igitur matrimonium non fuisse consummatum, quod probavimus ex iurata actricis de- positione , ex testimonio septimae manus et ex medicorum peritia.

Ad obtinendam dispensationem a matrimonio rato et non consummato, praeter factum non consummationis matrimonii, graves etiam causae concurrant necesse est. Iamvero inspe- ctis actibus processus habemus a) sententiam latam a tribu- nali civili de divortio absoluto ; b) impossibilitatem addu- cendi cum effectu coniuges ad vitam coniugalem restauran- dam. Quae impossibilitas eruitur in primis ex confessione ipsorum coniugum. Conciliationis impossibilitas nititur tota in perversa indole viri, qui uxorem in pessima servabat con- ditione, eamque ad actus illicitos cogere studebat, quod tum ipsa uxor testatur, tum testes aperte deponunt, a quorum depositionibus excluditur contraria viri assertio in resp. 8; c) conditionem Oratricis, quae cum habeat solam matrem longaevam et infirmam, plurimum cupit ad novas nuptias convolare.

Quae cum ita sint, puto consulendum esse SSmo pro gratia dispensationis a matrimonio rato et non consummato in casu.