BOLIVAREN. 217

alumnis perpauci ecclesiastico ministerio se consecrant qui ad sua studia perficienda ad Seminarium Quiti constitutum remittuntur.

Episcopus Bolivarensis de hac re percontatus, hoc non negavit, sed insimul significavit se animum adiecisse ad in- stituendum Maius Seminarium exclusive ad clericos insti- tuendos, quem in scopum a Patribus Redemptoristis taxam, ex praescripto Concilii Tridentini, exigebat.

Praeterea PP. Redemptoristae advertunt, suam Congre- gationem Sacris Missionibus vacantem secus oram Oceani Pacifici, proprium habere Seminarium, ubi in studiis Eccle- siasticis Patres Missionarii instituuntur ; quaeque studiorum domus in praesentiarum numerat triginta fere clericos. At alumni pene omnes ex Europa proveniunt ; quamobrem Pa- trum congregatio, praeter sustentationis expensas, etiam grave itineris dispendium ferre debet.

Patres vero Redemptoristae operam sane particularem dant extraordinariis praedicationibus Missionum, quas gratis omnino perficiunt, unde in divino cultu conservando et in dies provehendo magnas opes impendunt ita ut asserant or- dinarios fructus hisce operibus non sufficere et suppetias ve- nire fidelium eleemosynas praesertim per missas manuales. Quocirca concludunt, se impares esse solvendae taxae ab Episcopo impositae, nisi magna cum fidelium pernicie inter- mi ttantur suetae sacrae functiones.

Demum notant, dato et non concesso; legitime Episco- pum taxam imposuisse, tamen in mensura plane omnem ex- cedisse modum. Revocant praedia universa ante divisio- nem reddidisse annuum locationis censum libellarum 9600, quarum media pars usque ad annum 1877, scilicet lib. 4800 respective PP. Redemptoristis et Seminario assignabantur. Adeo ut Episcopus expostularet fere omnes reditus ratione taxae seminarii, in mensura libellarum 4000. Verum est, quod Redemptoristae aperte fatentur, nunc illa praedia, ex eorum industri administratione maiores reddere fructus, sed negant eos esse quos praetenderet Episcopus.