220 BOLIVAREN.

deductis expensis. Praeterea, quando agitur de monasteriis deduci etiam debent ea onera iisdem secundum ius commune inhaerentia, cum reputentur tamquam aes alienum, in Thea- nen, ad cap. 18, Sess. 23 de Reform. Posit. 54, et Ulyx- bonen. lib. 2 Decretorum pag. 117.

Hoc pacto aestimatis fructibus, taxa favore Seminarii imponenda nec minor esse debet scutis tribus pro quolibet centenario, nec maior scutis quinque, decernit Mileten. Taxae Seminarii die 6 Decembris 1737, et Bened. XIII in Const. Creditae Nobis.

Hisce praehabitis, suppositum fuit diluendum

D u b i u m

An Decretum Episcopale sit confirmandum vel infir- mandum in casu.

RESOLUTIO. Sacra Congr. Concilii re disceptata sub die 14 Iulii 1 8 9 4 censuit respondere: Decretum esse infirman- dum; et scribatur episcopo ad mentem.

URBBVBTANA

FUNERUM

Die 11 Augusti 1894. Sess. 25 cap. 13 De reform.

COMPENDIUM FACTI. Urbevetere die 1 0 Martii 1 8 9 3 diem obiit supremum Maria Benedetti, eiusdem loci oriunda, quae patriam dereliquit, transferens Viterbium suos lares quando nupsit Iosepho Bernabei. At in dotem sortita est domum paternam, unde ei in more fuit, fere quotannis apud parentes Urbevetere aliquod tempus commorari. Tempore huius com- morationis accidit quod Mariae mater die 8 Ianuarii 1 8 9 3 hac vita decessit, quam post duos menses, filia secuta est, disponens ut sepulturae mandaretur in coemeterio Viterbii prope suum virum. Quia Mariae paterna domus sita est in