URBEVETANA 223

cisionis S. Rotae die 4 Iunii 1768, debet sumi in sola me- dietate cerae accensae iuxta Crucem ».

Iamvero Canonici contendunt, Mariam Bernabei peregri- norum, utique, numero accensendam non esse, sed tamen, nec domicilium, nec quasi domicilium in paroecia S. An- dreae habuisse; nam, aiunt, Mariam nec quotannis Urbem- veterem venisse ad invisendam suam matrem, sed haec po- tius Viterbium petebat singulo quoque anno filiam visitatura. Imo quia filia raro et ad breve tempus matrem visitabat, explicant Capitulares factum quo mater, posthabita filia, ne- potes suos haeredes instituit.

Contra Parochum afferentem attestationem cuiusdam do- minae Aemiliae Cozza per literas asserentis, se audisse a filiabus Mariae quod cum haec Romae degeret causa valetu- dinis, de hac recuperanda desperans, ait : quoniam mihi mo- riendum est, mori cupio loco ubi nata sum, advertunt ca- nonici haec verba non sufficienter significare voluntatem con- trahendi quasi domicilium, uti non sufficienter hoc effecit factum commorationis fere trium mensium, ante eius mortem.

Unde concludunt Capitulares, ad contrahendum quasi- domicilium, defuisse factum et animum. Factum quia trium mensium tempus non sufficiens est ad acquirendum quasi- domicilium. Sed praecipue animus defuit; quum postremo tempore venerit Maria ad matrem, quia graviter aegrotabat ; et mortua matre voluntatem ostenderit statim et perpetuo se conferendi Viterbium, quo transferri iussit supellectiles paternae domus, uti attestantur Cleofes Calabresi, Mariae famula et Clelia Leandri amica famulae matris Mariae.

Proinde Canonici arguunt, se iure merito egisse, desi- gnando quemdam sacerdotem, qui cadaver associaret ad ele- ctam sepulturam Viterbii ; nam hoc idem ius Ecclesiae ma- trici competebat, et ita morem gesserunt defunctae consan- guineorum, qui desideraverant ad cadaver associandum illum sacerdotem, familiae addictissimum.

IURA PAROCHI S. ANDREAE. E X adverso s. Andreae pa- rochus sibi propositis eisdem quaestionibus a Capitulo pro-