URBEVETANA 229

vere, veluti in loco depositi, tantummodo quaesitum est, an idem associare ad sepulturam spectaret ad Capitulum, vel potius ad parochum. Proinde concludit actor, dato etiam, sed minime concesso quod ius funerandi in casu spectaret ad Capitulum Cathedrale, non inde sequeretur, eidem com- petere cadaveris associationem ad electum sepulcrum; nam iuridice ex uno privilegio aliud non infertur, uti decrevit S. C. C. in citata causa.

Quae res adeo clara est, refert parochus, ut. idem Capi- tulum in capitulari conventu declaravit' se alium presbyte- rum destinasse ad cadaver associandum, quia s. Andreae pa- rochus hoc nullimode petiit; et constat, ipsum Capitulum prohibuisse Vicarium curatum quo minus cadaver associaret ad evitandas parochi Collegiatae s. Andreae querelas.

Hisce iuribus innixus actor, petit non solum sibi iuris controversi adiudicationem, sed etiam emolumentorum a Ca- pitulo, illegitime perceptorum, restitutionem.

Quibus praemissis, proposita fuerunt diluenda

D u b i a

I. An Ecclesiae Cathedrali competat ius funerum in casu. Et quatenus affirmative :

I I . An eidem competat ius associandi cadaver ad, electam sepulturam, extra dioecesim in casu.

Et quatenus negative ad utrumque: I I I . An sit locus restitutioni emolumentorum pro funere

defunctae in casu. RESOLUTIO. Sacra C. C. re disceptata sub die 1 1 Au-

gusti 1 8 9 4 censuit respondere : ad I et 11 Negative: ad I I I Affirmative, detractis expensis.