232. De sancto Jacobo.

la. Auster, veni, flatu leni
Perfla mentem frigescentem
Peccatorum frigore,

1b. Lingua torpens relaxetur
Laus patrono triplex detur
Corde, verbo, opere.

2 a. Hic secretae visionis
Et transfigurationis
Dum meretur gratiam,

2 b. Intus totus Inflammatus
Visa verbis protestatus
Invitat ad gloriam.

3 a. Natus Iste Zebedaei
Destinatus nutu Dei
Transivit Samariam,

3 b. Verbum vitae praedicando,
Dicta signis confirmando
Per eorum copiam.

4a. Caecis visum, claudis gressum

Reddit, solvit et possessum

Adductum per daemonem ;

4b. Mortuos resuscitando
Et Pbiletum liberando
Convertit Hermogenem.

5 a. Hac virtute vir tam magnus
Est per funem mitis agnus
Ductas ad martyrium,

5 b. In hoc sanat decumbentem
Et baptizat se ducentem
Passionis socium.

6 a. Tandem martyr decollatur,
Corpus raptum clam portatur
Per mare Galitiam.

6 b. Insequentes submerguntur
Et ducentes proteguntur
Per dei clementiam.

7a. Sicut vivus sublimatus,

Sic post mortem est probatus
Corruscans miraculis;

7 b. Nam, Calistus ut testatur,
Cor contriti non celatur,
Scriptum delet sceleris.

8a. Infecundam fecundavit
Et viginti liberavit,
Fido reddit spiritum,

8 b. Peregrinum conservavit,
Dum suspensum animavit
Patri reddens filium.

9 a. Decollandus adjuvatur,
Fesso pie suffragatur,
Reficit famelicum,

9 b. Tacti plaga festum colunt,
Quod servare primum nolunt
Lotus, pistor, rusticus.

10 a. Audi, pater, Implorantes
Nomen tuum collaudantes
Corde, voce supplices ;

10b. In hoc mundo fluctuantes
Fide, voto remigantes
Nos supernis applices.