235. De sancto Jacobo.

la. Tonitrui vox In rota
Jacobus, qui fide tota
Tibi solvit pia vota,
Jesu, rector coelice.

1b. Vocis tuae sono crevit,

Luxum carnis pro te sprevit,
Suave jugum ferre suevit
Legis evangelicae.

2 a. Nubes currit pluviosa,
Sata spargit fructuosa,
Monstra fugat tortuosa
Baal per Samariam.

2 b. Hermogenem cum Phileto
Fidem docet ore laeto,
Pacem spondet hoste spreto
Damnans Idolatriam.

3 a. Ad fenestram evolavit
Ut columba, dum rogavit
Dextrae sessum, sed formavit
Illum tua ratio

3b. Ad gustandum mortis merum;
Te cognovit Deum veram,
Dum coelestem probat herum
Te transfiguratio.

4a. Fonte sacro te sudantem,
Vultum patris implorantem,
Cruce vidit triumphantem
Pietatis facie.

4b. Sub Herode demum captus
Et ad paenam mortis raptus,
Vitam finit sanctis aptus
A mucronis acie.

5 a. Ergo martyr et patrone,
Odor agri pleni bone,
Gregem tuum Christo pone
Collaetari jugiter.

ob. Vitae sequens non turbetur,
Tibi psallens consoletur,
In te sperans coronetur
Cum justis sublimiter.