234 BEJEN.

pro vitae sustentatione ; quam sufficientiam praecipue exquirit Const. Speculatores.

THESAURARIAE VIDENTUR VERA BENEFICIA. Sed ex adverso si intimius harum thesaurariarum natura inspiciatur, in pri- mis patet optimo iure beneficia appellari posse, nam convenit inter doctores, beneficiis accenseri debere pensiones quae a Gubernio civili in aliquibus regionibus sacris ministris, ex assumpta cum Ecclesia obligatione, solvuntur ob munia ec- clesiastica quae exercent. Nam Sacra Poenitentiaria in hunc sensum respondit, sub die 19 Ianuarii 1819, revera ad quae- situm ita expressum: A Sacra Poenitentiaria quaesitum fuit, an salaria quae in Belgio solvuntur Pastoribus et ca- nonicis induant naturam beneficiorum seu bonorum Eccle- siasticorum et adnexam habeant obligationein expendendi superflua pauperibus seu piis causis et residendi sub poena non faciendi fructus suos. S. Poenitentiaria respondit: Iam alias a S. Sede rescriptum fuisse: affirmative. Quocirca hac ex parte Episcopus ordinans non subditum ob titulum trien- nalis familiaritatis satisfacit Const. Speculatores, conferens intra tempus legitimum huiusmodi thesaurariam. Inquam hac ex parte; quia ulterius necessario requiritur ut harum reditus sint sufficientes. De redituum sufficientia Episcopus in suis Uteris nihil dicit; sed hoc arbitror desumi posse ex hac circumstantia ab eodem relata; nimirum has thesaura- rias solere conferri clericis in titulum S. Ordinationis. Atqui dubitari non licet, Episcopos examussim non observare gra- vissimam Conc. Trid. praescriptionem factam in sess. 21, cap. 2 de Reform., circa sufficientiam redituum huiusmodi tituli, hisce verbis expressam : « Cum non deceat, eos qui divino ministerio adscripti sunt cum ordinis dedecore men- dicare aut sordidum aliquem quaestum exercere ; statuit S. Synodus nec quis deinceps clericus saecularis, quamvis alias sit idoneus moribus, scientia, et aetate^ ad sacros Or- dines promoveatur, nisi legitime constet eum beneficium ec- clesiasticum quod sibi ad victum honeste sufficiat pacifice possidere ». Quapropter nullum in thesaurariis videtur deesse