236

NETEN.

E L E C T I O N I S

Die 11 Augusti 1894. Sess. 25 cap. 9 de Eeform.

COMPENDIUM FACTI. In civitate Netensi Ecclesia S. Ni- colai a quodam Carolo Giavanti suo testamento diei 29 Au- gusti 1606 pluribus beneficiis aucta fuit; quamobrem a S. P. Paulo V sub die 21 Maii 1609 per Bullam In supremae, eadem Ecclesia in Collegiatam erecta fuit statuendo, frui ca- nonicos iure patronatus activi, passivi vero quoscumque natos et in ea civitate baptizatos. Quia Pontifex Gregorius XIV per Bullam Gravissimum sane munus, Netensem Collegia- tam in Cathedralem erexit, quaestio exorta est, an hac mu- tatione non obstante, adhuc integrum perduraret ius patro- natus passivum quoad cives Netenses et controversia apud S. C. C. hoc dubio proposita fuit: An constet de iure pa- tronatus passivo super simplices praefatos canonicatus, (Gia- vanti) favore civium Neten. ad tramites Const. Pauli V, atque fuit rescriptum : Affirmative quoad canonicatus Gia- vanti a capitulo praesentandus.

Vi huius potestatis capitulum sub die 9 Novembris 1893 procedebat ad electionem cuiusdam vacantis canonicatus, cu- ius tamen electionis exitus est obiectum praesentis contro- versiae. Nam legitime convocatis capitularibus, omnes con- venerunt, scilicet undecim numero, qui suetis servatis formis ad electionem per secreta vota processerunt, quorum quinque favorabilia fuerunt Sacerdoti Salvatori Guarino ; quatuor Sa- cerdoti Francisco Ciulla; et ex reliquis duobus votis unum Divo Petro datum fuit, et aliud album seu vacuum. Exinde, nemine contradicente, publicata fuit electio cadens in perso- nam Sacerdotis Guarino. Verum quando divulgari coepit ele- ctionis exitus, nonnulli insinuare coeperunt dubium nullitatis electionis, quia deerat maioritas absoluta votorum, quae su-