243. In Nativitate s. Johannis B.

1. Exsulta coelum
et laetare terra
Christoque turma

2 a. Praecursoris alma
solemnizans haec festa,

2 b. Voce Christi sancta
est qui mundi lucerna.

3a. Cujus nativitas
est orta praecipua
die Ista,

3 b. Ampla mundi regna
luce magna radians
universa.

4a. Harmonica
melodia
concrepa,
palinodiam canta
voce laetabunda

4 b. Et jubila
clarisona
proclama,

qualiter In hac die
sit natus baptista.

5 a. Adstans ab alta
angelus aula
ait: ne pertimescas,
Zacharia.

5 b. Anima sacra

placens In aethra,

est proles ob hoc data.

tibi grate.

6 a. Per quam maxima
tibi gaudia
venient summa
et tripudia
atque multa
gaudebit jucunda
populi turma
Christiana.

6 b. Hunc gratuita
Dei gratia
Johannem plenum
certe nomina,
suum quia
auctorem materna
sentiet Intra
clausus antra.

7 a. Zacharia

ad haec nuntia

gestante

pectora Incredula,

7 b. Fiunt muta
statim labia,
organa
clauduntur loquacia.

8 a. Sed hac sancta
splendente AdminBookmark
coelo magna
et dante lumina,

8 b. Mater alma
per angeli verba
adest laeta,
fecunda, fiorida.

9 a. O mira, magna
gratiosa
Dei munera.

9b. Quae lingua tanta
explicare
valet gaudia?

10 a. Mater Infecunda
jam fecunda
gerit viscera,

10 b. Patris ante muta
nunc aperta
pandunt labia

11a. Johannis natalitia.
Adest ergo magna
illa mundi lampas
splendida

11b. Quae est ante saecla
Christo praeparata
consona

Davidica melodia.

12 a. Familia

unde maxima

sumit ac jungit gaudiis

gaudia.

12 b. Propterea,
o ecclesia,

in toto orbe terrarum
posita,

13 a. Offer praeconia
Christo et munera

13b. Dicens: o Johannes,
praemissa lucerna,

14. Intercessor

pro nobis omnibus
sis In saecula.