242 NETEN.

vota non secreta, subiecta triplici collationi nempe meriti ad meritum electorum, zeli ad zelum, numeri ad numerum eligentium, unde maioritas necessaria ad electionem non ex solo numero habebatur. Introductis votis secretis, superest fere tantum collatio numeri ad numerum ; quocirca uti habet Reiff, loc. cit. n. 143: « Ceterum in dubio maior pars nu- mero praesumitur etiam sanior ». Quum praesumptio cedere veritati debeat, ad labefactandam numeri maioritatem, opor- teret argumentis indubiis docere maiorem partem vocalium dolo et fraude in aliquem consensisse.

Hisce hinc inde adnotatis, diluenda proposita sunt

D u b i a

I. An electio sustineatur in casu. Et quatenus Negative.

II. An constet de iure passivo nominationis Francisci Ciulla, ad beneficium canonicale in casu.

RESOLUTIO. Sacra C. C. re disceptata sub die 1 1 Au- gusti 1 8 9 4 , censuit respondere: Ad primum affirmative; ad secundum, provisum in primo ( 1 ) .

MALACITANA

DE VALORE CUIUSDAM DISPENSATIONIS

AB IMPEDIMENTO MATRIMONIALI

Die 16 Iunii 1894. Per summaria precum.

COMPENDIUM FACTI. Vicarius generalis Episcopi Malaci- tani insequentem casum a quodam huius dioecesis parocho sibi oblatum, S. C. C. humillime exponit:

« Raymundus Rodríguez, solutus, et Maria Sánchez, vi- dua, quae ex priori legitimo coniugio filiam habebat, nomine Carmelam Garcia Sánchez, matrimonium contraxerunt.

(1) Recole Vol. VIII, 389, IX, 158, X, 273, XIII, 390, XV, 100, XVIII, 97, XIX, 68.