MALACITANA 243

« Mortua Maria, Raymundus iam viduus et Carmela sua privigna, soluta, sese carnaliter cognoverunt, et per plures an- nos incestuosam vitam duxerunt, atque tres filios procrearunt.

« In articulo mortis viro constituto, parochus fuit voca- tus, qui quidem recte sciens impedimentum affinitatis in pri- mo gradu lineae rectae non comprehendi inter novissimas facultates Episcopis a Romano Pontifice concessas et in hac dioecesi ab Episcopo parochis delegatas, innixus tamen do- ctrinae S. Alphonsi De impedivi, dispens, in articulo mor- tis, atque in praxi Sanctae Sedis, quae aliquando Americae Episcopis facultatem huiusmodi impedimentum dispensandi concessit, ut ait Lemkhul, Theol, moral. Tract, de matrim., et certior factus, Carmelam nullo modo gigni potuisse a Raymundo, ipsos matrimonio coniunxit et antequam inscri- ptio fieret in libro parochiali, factum ad meum tribunal detulit.

« Die insequenti Raymundus e vita decessit; Carmela eiusdemque filii pauperes miserabiles existunt.

« Rebus omnibus perpensis, mihi rectius visum fuit, rem integram Bmae Vestrae subiicere, insequentia dubia pro- ponendo et resolutionem humiliter deprecando.

« I. Utrum matrimonium inter Raymundum et Carme- lam ut validum reputari queat, atque ut tale in libro sa- cramentali describi.

« IL Quatenus negative, utrum sanatio in radice ad trium filiorum legitimationem peti et concedi oporteat ».

D i s c e p t a t i o S y n o p t i c a

Validitati dispensationis in casu videtur suffragari gene- rale iuris principium, a Trid. Conc. solemniter confirmatum, Sess. 14 De poenit. 7; scilicet, in mortis articulo nullam adesse reservationem, ne hac occasione aliquis pereat; omnis enim potestas non in destructionem, sed in aedificationem data est. Quapropter saltem ex praesumpta Romani Ponti- ficis delegatione videretur parochum in casu absolvere po- tuisse ab affinitatis impedimento.