252 EX S. C. RITUUM

Additiones faciendae in festis s. Ioannis de Deo et s. Camilli de Lellis.

Die VIII Martii. - In festo Sancti Ioannis De Deo Confessoris.

ADDITIO AD CALCEM VI LECTIONIS.

Post verba « in sanctorum numerum retulit » : addatur : « et Leo decimus tertius, ex sacrorum catholici orbis Antistitum voto ac Rituum Congregationis consulto, caelestem omnium hospita- lium et infirmorum ubique degentium Patronum declaravit, ipsiusque nomen in agonizantium Litaniis invocari praecepit».

ADDITIO MARTYROLOGIO ROMANO INSERENDA.

(8 Martii) Octavo Idus Martii Granatae in'Hispania Sancti Ioannis de Deo, Ordinis Fratrum

Hospitalitatis Infirmorum Institutoris, misericordia in pauperes et sui despicentiâ celebris : quem Leo decimus tertius Pontifex Maximus omnium hospitalium et infirmorum caelestem Patro- num renuntiavit..

Apud Antinoum etc.

ORBIS.

Quo subsidia caelitus multiplicentur, dum ab infensissimis christianae religionis hostibus bellum quoque instauratur in no- socomia, ecclesiasticae auctoritati iam subducta, omnique spiri- tuali solamine fere orbata; Rmus P. Ioannes Maria Alfieri, Prior Generalis Ord. S. Ioannis de Deo, praeeuntibus non paucis quum Emis Patribus, tum Rmis Sacrorum Antistitibus, consecutus est, ut, per Litteras Apostolicas in forma Brevis diei 22 Iunii 1886, Sanctus Ioannes de Deo, misericordia erga pauperes aegrotos vere insignis, omnium Hospitalium et Infirmorum una cum S. Camillo de Lellis, caelestis Patronus declaratus et constitutus fuerit. Nuper autem piis Fratrum ipsius Ordinis votis satisfacturus Parentis sui honorem et gloriam in orbe adaugeri cupientium, Rmus Pater Cassianus Maria Gasser hodiernus Prior Generalis Ordinis memorati Sanctissimum Dominum Nostrum Leonem Papam X I I I iteratis precibus rogavit, ut tantum caritatis heroem praeclaro eiusmodi Patroni titulo tam in Officio quam in Mar- tyrologio cohonestandam decernere dignaretur. Cum igitur re- spectivae additiones tum sextae Lectioni, tum Martyrologio Ro-