261. De sancta Katharina.

1. Katharinae virginis

Vita felix et finis,

Nostra spes et gloria.

2 a. Vicit mundi gaudia

Regis et consilia

Cum summa victoria:

2b. Puellaris actio

Dolente Maxentio,

Consolatur omnia.

3a. Deum unum colere,

Deos plures spernere,

Facta est praenuntia.

3 b. Regni sceptrum unica

Spernens est ad coelica

Exspectata gaudia.

4 a. Sophorum versutiam

Vertit In solertiam,

Horum dum opposita

Prima est Intuita.

4 b. Reginam In consortium

Trahit et Porphyrium,

Quos ab Idolatria

Ejus lavit gratia.

5 a. Virgis caesa stat illaesa,

Dum torquetur, confitetur

Jesum super omnia:

5 b. Carceratur, confortatur

Cor puellae, tu repelle,

Quod mens timet conscia.

6 a. Ruunt rei fracta rota,

Nuta Dei stat Immota

Operum per merita:

6 b. Specularis post haec cuncta,

Stellae maris es adjuncta

Sed honore subdita.

7 a. Pugna, regem qua vicisti,

Lac, In morte quod fudisti,

Beata nobis gaudia

Fuderunt In ecclesia.

7 b. Katharina, quod mons Sina

Te per chorum angelorum

Collegit cum gloria,

Mundum replet laetitia.

8 a. Ergo pia miserere,

Hac In via nos tuere,

Creatori votum chori

Clementer concilia;

8b. Qui cantamus hic jucunde,

Te rogamus, preces funde

Ut AdminBookmark omnes reos

Mundet data venia.

9. Amen dicant omnia.