263. De sancta Katharina.

la. Laudes Deo debitas
Solvamus alacriter,
Nos praesens solemnitas
Gaudere perenniter
Invitat solemniter.

1b. Dulcis est jucunditas,

Si cum chorda pariter
Cordis plaudat puritas
Concordando leniter,
Psallendo concorditer.

2 a. Kathannae passio
Eo nobis gratior,
Quo Dei laudatio
Mundo fit jucundior.

2 b. Pulchra foris facie,

Sed mente formosior,
Omni major specie
Decor est Interior.

3 a. Sponsa regis

et regis filia,
Major Christi,

quam Costi gloria,
Domus sponsi

quam patris regia,
Sponsi nequit

capi prosapia.

3 b. Capax sensu,

tenax memoria,
litterali

pollens Industria,
Major tamen

fides facundia,
Superabat

naturam gratia.

4 a. Edicta Maxentii

Voce damnat libera,
Foedi sacrificii

Foeda spernit foedera.

4b. Cruoris Innoxii

Clamor pulsat sidera,
Incestant flagitii
Solum tanti scelera.

5 a. Verba stupet rex profanus
Objurgantis virginis,
Instat vane cultor vanus
Exercendi numinis
Vanis caerimoniis.

5 b. Meditatur malesanus
Agones certaminis,
Sed Infirma nequit manus
Obviare hominis
Divinis suffragiis.

6 a. Sapientes evocati

Summae cedunt veritati,
Non hinc victi sed victores
Et hoc casu clariores.

6 b. Quamvis sero sint vocati.
Non sunt sero coronati,
Quos caminus puriores,
Poena fecit potiores.

7 a. Mente fremens rex effera
Rotas, Ignes et verbera
Profert, offert et munera
Victoriosae virgini.

7 b. Blandimenta pestifera
Virgo spernit et tenera
Poenis exponit latera

Inclamans nomen Domini.

8 a. Post agonem consummatum
Capitali supplicio
Corpus ejus est translatum
Angelorum obsequio.
In montis sinum Sinai.

8 b. Hic de membris Katharinae
Jugi manat profluvio
Sacrae nectar medicinae
Regali beneficio

Regis regum Adonai.

9 a. Ubi primum lex divina
Lata fuit, Katbarina,
Requiescis miro more,
Revirescis novo flore
Meritorum gratia.

9 b. Tua virgo, Christe, prece
Nos ereptos carnis faece,
Debriatos vivo fonte
Et receptos summo monte
Summa donet gloria.