268 MEDIOLANEN.

prosequitur. Iamvero hodie etiam, alia agitatur quaestio inter coadiutores s. Michaelis et praepositum parochum s. Ioannis oppidi Busto Arsitio, circa ius vicinioritatis, quod iure prae- sertim consuetudinario sibi vindicant canonici coadiutores S. Michaelis.

Ius vicinioritatis, per synodales constitutiones Archidioe- cesis mediolanensis constitutum, determinat parochum qui, absente vel deficiente parocho sibi viciniore, in eius ecclesiam curam animarum suscipere debet. Hinc praesentis controver- siae occasio fuit mors parochi loci Sacconago, sequuta mense Ianuarii anni 1889. Mortuo enim huius ecclesiae parocho, Rmus D. Pius Chieppi, unus ex canonicis coadiutoribus s. Michaelis, sibi, iure vicinioritatis, arrogavi t curam spiri- tualem ecclesiae parochialis Sacconago, quum nempe ecclesia s. Michaelis propinquior sit ecclesia s. Ioannis Baptistae, ec- clesiae parochiali Sacconago. Obstitit praepositus s. Ioannis R. D. Iosephus Tettamanti ; et amice cum res conciliari non posset, curia mediolanensis sub die 27 Maii anni 1890 sen- tentiam protulit qua declaravit, ius vicinioritatis in casu com- petere ad curatos s. Michaelis cum praecedentia favore se- nioris inter duos. A qua sententia appellavit Praepositus apud S. C. Congregationem.

D i s c e p t a t i o S y n o p t i c a .

CANONICI COADIUTORIS DEFENSIO. In quatuor capita divi- dens suam orationem in 1 et 2 contendit sibi ex consuetu- dine, legitime praescripta, competere ius vicinioritatis, in 3, imo ex ipsa natura sui beneficii curati hoc sibi vindicat, tan- dem in 4, refutat nonnulla adversarii obiecta.

Incipiens ab exercitio spiritualis curae exercitae a coadiu- toribus s. Michaelis in parochia Sacconago vi iuris viciniori- tatis, queritur quod archivium huius parochiae incendio de- letum numero pauciora sibi suppetat documenta ; at, ipse ait, valore sane irrefu tabi lia.

Anno 1645, ab humanis exempto Crespi Antonio, parocho ecclesiae Sacconago, Carnago Ioannes, curatus s. Michaelis