272 MEDIOLANEN.

chaelis invocatam non constare ex actibus diuturnis et uni- formibus, conventus urget facta iam enarrata addens etiam administrationem sacramentorum, non solum celebrationem matrimoniorum et funerum, uti contenderet praepositus, com- probare ius vicinioritatis ex dispositione Synodi 35.

Dein Rmus Chieppi pro viribus oppugnat principale ad- versarii argumentum; nempe s. Michaelis coadiutoribus ius vicinioritatis competere nullimode posse, cum parochi non sint, quod deducit praesertim ex sententia 1732 iam relata. In primis observat conventus, quidquid sit de hac sententia, factum denegari non posse anno 1780 secutum, scilicet 48 annis a celebri decreto, quando ob mortem parochi Canavesi loci Sacconago curatus s. Michaelis, magna cum pompa, uti iam relatum est, funus peregit interveniente praeposito Busti qui postea etiam in libris mortuorum per suam subscriptio- nem omne gestum ratum habuit,

Quoad sententiam vero 1732, directius animadvertit hanc aperte peccare in voluntatem tabulae fundationis coadiutorum s. Michaelis; nam dum ipsa ad n. 6, declarat ecclesiam s. Mi- chaelis numquam fuisse parochialem, sed tantum sacramen- talem et sepulcralem e contra e relatis instrumentis et vi- sitationum actis constat centies appellari parochialem. Eadem sententia item declarat curam animarum, burgi Busti Arsitii privative et principaliter spectavisse et spectare ad dominum praepositum ecclesiae s. Io. Bapt., sed allata documenta te- stantur imo ita communem inter utramque ecclesiam anima- rum curam existere, ut cives in utraque ecclesia indiscrimi- natim sacramanta et alia parochialia officia exquirere possint. Unde, ait conventus, illud verbum privative in sententia est ad minus admiratione dignum ; non secus ac alia verba, nempe « non constare de aliqua possessione denominandi ecclesiam s. Michaelis titulo aut nomine parochialis aut sibi ipsis (curatis) attribuendi nomen et titulum parochorum ». Hinc, urget D. Chieppi, flocci factam fuisse hanc sententiam, praeter alia facta, hoc probat, quod s. Michaelis curati postea perseverarunt missam canere in sabato sancto, et sacras fun-