278. De sancto Leonhardo.

la. Patri nostro jucundemur,
In hac die gratulemur,
Leonhardum veneremur
Cum cordis tripudio.

1b. Idolorum nam cultores
Christo reddit et errores
Sternit remittendo flores
Coelesti consortio.

2 a. Ergo prudens Leonhardus
Vigilavit et non tardus
Subintravit et ornavit
Lampadem cum oleo.

2b. Semetipsum abnegavit,

Christum sequens, quem amavit,
Crucem tollens stolam lavit
In Dei servitio.

3 a. Palmam manu fert victricem
Digne sequens adjutricem
Sanctam Dei genitricem
In coelesti curia.

3 b. Ut coelesti nos fecundet
Rore foris, Intus mundet
Sanctus spiritus, Inundet
Nostra corda omnia.