278 MEDIOLANEN.

tur : certiores facti sumus, te, independenter a praeposito parocho dicti Burgi, constituisse Oratorium s. Rochi loco ec- clesiae coadiutoralis et sacramentalis s. Michaelis, occupatae- a militaribus, et ob nonnullas functiones peractas, alias de- disse probationes te non habere uti coadiutorem datum prae- posito parocho, sed curatum portionarium; idque adversus sen- tentiam diei 5 Septembris 1 7 3 2 , irrefragabilibus innixam do- cumentis.

Non dissimilis tenoris et efficaciae refert alia facta se- quuta sub annis 1 8 0 9 , 1 8 1 7 , 1 8 3 1 ; unde praepositus confidit iuris argumentis sufficientia adiecisse facti documenta.

Hisce praemissis, propositum fuit diluendum

D u b i u m

An sententia Curiae archiepiscopalis mediolanensis sit confirmanda vel infirmanda in casu.

RESOLUTIO. Sacra C. O. re disceptata sub die 1 4 Apri- lis 1 8 9 4 , censuit respondere Sententiam esse infirmandum.

Ex QUIBUS COLLIGES I. Coadiutores parochi principalis, istius nomine agere, quando iurisdictionis parochialis actus explicant in ecclesiis, quae dicuntur adiutrices, erectae pro maiori populi commoditate, et pro succursu et auxilio eccle- siae matricis.

II. Carentem parochiali iurisdictione propria, exercere non posse proprio nomine ulla parochialia [iura aut privilegia, quae ex sacris canonibus conceduntur, vel legitima praescri- ptione acquiri possunt.

III. Parochum, ut proprius dicatur, oportere suo nomine regere beneficium paroeciale, cum populo omnino ab aliis distincto.

IV. In themate coadiutores praepositi, istius vice et no- mine explicare paroecialem iurisdictionem, et ideo vindicare sibi in proprium non valent iura ulla aut privilegia etiam ex beneficio praescriptionis.