279

NEAPOLITANA

MATRIMONII

Die 9 Iunii 1894. Sess. 24, cap. 1 De ref. matr.

COMPENDIUM FACTI. Triplici denunciatione praemissa ac ser- vata in omnibus Tridentinae Synodi forma, Franciscus e mar- chionibus D'Auria in aetate 25 annorum constitutus et Iu- stina Liguori trilustris puella matrimoniale foedus Neapoli inibant die 31 Iulii 1876, adstante parocho Ecclesiae Ma- tris Dei.

Plura factorum adiuncta, quae ex inferius allegandis patebunt, huiusmodi nuptias praecessisse modo enarrant con- iuges ut defectum libertatis, saltem quoad sponsam, in consensu promendo adstruant. Affirmant enim adolescentulam, matre orbatam atque a patre derelictam, postquam a Collegio S. Mar- cellini, ubi instituenda manebat, expulsa fuerat, iugali vincu- lo obstringi fuisse ab avúnculo coactam, neque in ea aetate assumpta onera perpendisse. Unde factum esse edicunt, ut eo tempore quo simul cohabitarunt coniuges, mutuus amor ab eorum tecto penitus abfuerit. Hoc tamen constat, maritalem vitam paulo post connubii celebrationem inauguratam ad diem 25 Septembris 1879 perseverasse, et Iustinam die 19 Februa- rii 1878 filiam, quae adhuc vivit, fuisse enixam.

Fere post decennium ab habita separatione, mulier Curiam neapolitanam adiit petens, ut processus super matrimonii sui nullitate ex capite vis et metus conficeretur. Quas preces cum Emus Cardinalis Archiepiscopus excepisset, coram ecclesiasti- co tribunali, ad hoc delegato, labente mense maio 1887 actus processuales instituti sunt. Advocata in ius fuit actrix, nec non Franciscus D' Auria , aliique novem testes a muliere vel eius procuratore indigitati, qui omnes sub sacramenti fide interrogati deposuerunt. Postea et viro mandatum fuit ut se- ptimam manum designaret ; ast ille scriptis declaravit se non habere alios testes praeter exhibitos ab actrice; qua de re horum depositionibus sese omnino remittit.