290. De s. Maria Magdalena.

la. Gaude, felix Magdalena,
Spes salutis, vitae vena.
Lapsorum fiducia:

1b. Gaude, felix advocata,
Resurgendi norma data
Miseris post vitia.

2 a. Gaude, lotrix pedum Christi,
A quo tanta meruisti
Amoris Insignia;

2b. Gaude, felix, Deo grata,
Cui dimissa sunt peccata
Speciali gratia.

3 a. Gaude, prima digna frui
Jesu redemptoris tui
Surgentis cum gloria:

3 b. Gaude, quae septenis horis
Es ab antro vecta foris
Ad coeli vestigia.

4 a. Gaude, quae nunc sublimaris
Et cum Christo gloriaris
In coelesti curia;

4b. Fac nos tecum poenitere,
Ut post mortem lucis verae
Sortiamur gaudia.