291. De s. Maria Magdalena.

la. Gaudeat fidelium

condo laetabunda

1b. Personans dulce laudum

melos voce jucunda.

2 a. Adsunt namque nobis

solemnia

celebris

reverentiae cultu digna

2b. De transitu sacro

ad supera

felicis

Mariae Magdalenae regna.

3 a. Quae beatae spei certa

jucundaque

praebet nobis documenta,

3b. Deserentes ut crimina

De venia

confidamus obtinenda.

4a. Haec enim multimoda

delictorum macula

quondam nimis obsita

4b. Divinae largitatis

gratia fit remissis

tandem culpis nitida.

5 a. Fons coelestis misericordiae,

sui roris hanc perfudit

Christus copia,

5 b. Ut suae nobis indulgentiae

quanta sit hinc demonstraret

affluentia.

6 a. Agamus ergo Illi gratias

pro tanta ejus cura

nos clementia,

6 b. Mala, quae gessimus, peccata

condigna diluentes

poenitentia.

7 a. Mentium nostrarum Intima

fonte hoc

rigamus pietatis

arida,

7 b. Roris ut ipsius gratia

proferant

irrigata virtutum

germina.

8 a. O Maria,

Dei sponsa, Dei amica,

meritis egregia,

8 b. Ad munera

ejus promerenda nos pia

juva per suffragia.

9 a. Nostris animabus

languidis coelitus

vitalia

9 b. Confer medicinae,

quaesumus, divina

remedia.

10 a. Ut ab omni culpae

te Impetrante

mundati macula

10b. Tibi coram Deo

conjungamur In

coelesti curia.

11. Amen dicat fidelis chorus

et Alleluja.