292. De s. Maria Magdalena.

la. Laudum Christo praeconia
personemus
dulci musica.

1b. Qui de summis ad Infima
quaesiturus
venit perdita.

2 a. Cujus pietas
defectus nescia
mundi delevit crimina,

2b. Saeva avertit
mortis discrimina,
vitae dedit remedia.

3 a. Ad hanc mente
cucurrit avida
hinc Magdalena Maria.

3b. Sua deflens
ubertim crimina
veniam prece postulat,

4 a, Nec ad pias
ipsius lacrimas
divina remoratur
flecti clementia,

4 b. Culpas ei

remittit pristinas
multaque sui notat
amoris gratia.

5 a. O felices felicis
mulieris lacrimae,
felicia
nactae salutis gaudia !

5 b. Quae fuerat sordida
Babylonis filia,
Jerusalem
fit ecce proles nitida.

6 a. Sequamur exempla
nobis proposita,

6b. Diluamus nostra
flendo peccamina.

7 a. Ut cum Ipsa veniam
promerentes et gratiam

7 b. Pervenire coelicam
valeamus ad patriam.

8 a. Annuat nobis Ista
ejus prece
pro nobis sedula,

8 b. Qui gubernans omnia,
Deus verus
regnat In saecula.