293. De ss. Maria Salome et Cleopliae.

la. Laudes Christo decantemus,

Hymnos dulces personemus

Mariae sororibus,

1b. Iubilemus his matronis,

Quae fruuntur coeli donis

Cum supernis civibus.

2 a. Istae duae sunt sorores,

Stellae maris et sunt flores

Pares pari nomine,

2 b. Nam Mariae sunt vocatae,

Prole sancta sunt ditatae,

Plenae sancto flamine.

3 a. His duabus Anna mater,

Sed non fuit unus pater

Cum Maria virgine,

3 b. Nam Joachim et Cleophas

Annae nubunt et Salomas

Subsequenti ordine.

4 a. Primus gignit Christiferam,

Cleophas gignit alteram

Et Salomas tertiam.

4 b. O quam felix, quam praechara

Anna mater et quam cara,

Trinam gignens filiam.

5 a. Non fuerunt hae steriles

Sed In prole nobiles

Praecurrente gratia.

5 b. Prima Deo dedicata

Christum gignit Illibata,

Manent claustri lilia.

6 a. Sequens est Jacobi mater,

Qui dicitur Christi frater

In similitudine,

6b. Joseph, Simon et Thaddaeus

Ex hac, pater est Alphaeus,

Sacro gaudent numine.

7 a. Zebedaeus ex alia

Jacobum de Galitia,

Johannes huic additur;

7 b. Hae sunt matres egregiae

Et sunt Annae tres filiae,

Sic fecunda redditur.

8 a. Hae sorores cum Maria

Magdalena mente pia

Valde mane veniunt

8 b. Dolentes ad monumentum

Et secum ferunt unguentum,

Christum non Inveniunt.

9 a. Heu quis volvet petram, quae-

runt,

Revolutam conspexerunt,

Viso pavent angelo.

9 b. Qui dulciter bas affatur,

Ut nuntient, exhortatur,

Cuilibet discipulo.

10 a. Atque Petro nuntiari

Vult angelus nec celari,

Sed ut vadant passu pari

Statim In Galileam.

10 b. Quae dum Irent audientes,

Quod viveret et credentes,

Adest Christus ad gementes

Occurrens per plateam.

11a. Has salutat valde laete

Eisque dicens: avete,

Ecce vivus sum, gaudete,

Patet resurrectio.

11b. Tunc accedunt et beatos

Pedes tenent amplexatos,

Osculantur perforatos,

Mulcet laeta visio.

12 a. Resurgentis sunt nuntiae,

Primordia laetitiae

Nuntiarunt laude plena

Cum Maria Magdalena

Desolatis fratribus.

12b. Ergo piae nos matronae,

Quae nepotem In agone

Vidistis et resurgere,

Faciatis nos scandere

Secum In coelestibus.