296. De sancto Martino.

la. Cor ad laudem redemptoris
Sonet Intus, lingua foris
Martini praeconia,

1b. Quem Turonis tinnula vit,

Pannonia generavit,

Nutrivit Italia.

2 a. In Martino Christo teste
Et pro Christo caesa veste
Commendatur pietas,

2 b. Mentem fastus non Irrupit,
Sacrum corpus non corrupit
Luxus et ebrietas.

3 a. Miles servo deservivit,
Tandem jugo colla trivit
Claustralis inediae;

3 b. Pane vitae gregem pavit
Pastor factus et potavit
Aqua sapientiae.

4a. Miles, praesul, coejiobita,
Triplex status, triplex vita
In te Christo placuit;

4b. Te cultorem trinitatis
Trina tribus suscitatis
Virtus esse docuit.

5 a. Trino statu decertasti.
Cui te trinum coaptasti
Senex, vir et juvenis;

5 b. Tibi nomen est Martinus,
Quod In Christi marte trinus.
Ope trina subvenis.

6 a. Arma miles administras.
Quibus hostes et sinistras
Potestates conteris;

6 b. Praesul doces et objurgas,
Coenobita prece purgas
Zima vitae veteris.

7 a. Ergo confer opem trinam,
Arma, preces et doctrinam,
Muni, munda, Instrue;

7 b. Nos pro culpis non culpari
Sed coelestis collocari
Fac In loco pascuae.