298. De sancto Matthaeo.

1. Almi gratia

adsit nobis spiritus.

2 a. Ut digne celebremus
Hujus diei gaudia,

2 b. Congaudent In quo sancto
coeli concives Matthaeo.

3 a. Et tu, Hatthaee,
Christi miles inclite,

3 b. Propitium te

nostris votis exhibe.

4a. Et laudes, pro te hodiernas
quas Deo referimus,

4b. Nos, Illi reddas ut placentes,
supplices expetimus.

5 a. Jam credimus,
quod tu omnia
poteris coram Domino.

5 b. Quem tu sequi
jussus omnia
sprevisti cum teloneo.

6 a. Et Idcirco virtutum
plurima per praeconia

6b. Sanctitatis In aevum
celebris est memoria.

7 a. Ezechiel te propheta
quondam praevidit
inter quatuor
animalia.

7 b. Et flumen tu paradisi
mundum irrigas
tuis doctrinis
evangelii.

8 a. Verbo fidei
tu Aethiopes
Deo coeli
praedicans lucratus es.

8b. Fidem, quam verbo
praedicaveras,
per virtutum
signa confirmaveras.

9 a. Victor magorum
nam effugasti
pestes draconum

9 b. Tuque defunctum
resuscitasti
regis filium.

10 a. Ipsum regem

Christo fidelem cum suo
baptizasti populo.

10 b. Provincias

tu firmabas ritibus
sacris et ordinibus.

11a. Inter quos Deo
virginalem
consecrans statuisti
primus ordinem.

11b. Illam tu velo
dedicatam
regendo perfecisti
Epigeniam.

12 a. Sed diabolus,

qui semper est malignus

Regi virginis Illicitos

sugessit

ut peteret thalamos.

12b. Pro quo conflictum
subeundo pium
victor hodie martyrio
et palmam
referens de proelio

13. Hunc diem gloriosum fecisti.