302. De sancto Maturino.

(In Octava.)

la. Flore Sion decoratur,
Quo decora serenatur
Et serena jucundatur
Galliae lucifero,

1b. Maturinus, flos jucundus.
Fructu vitae flos fecundus,
Sine mundi caeno mundus
Pullulat a tenero.

2 a. O vir sancte Maturiue,
Vir virtutum, vir divine,
Vir maturae medicinae,
Medere languentibus.

2 b. Stringe nostrae carnis fluxum,
Sicca mare, purga luxum,
Ne mergamur post refluxum
Mellitis In fluctibus.

3 a. Irae fervor exstinguatur,
Sitis opum compescatur,
Faex livoris excludatur
Et mordax detractio.

3 b. Ut vivamus Deo grati,
Regno Dei praeparati,
Sole Christo serenati
In solari solio.