305. De sancto Mauro.

la. Adest dies veneranda,
Dies melis decantanda
Et camoenis dulcibus:

1b. In hac die pulset caelos
Concordatum dulce melos
Vita, voce, moribus.

2 a. Haec est dies semper grata
Patris Mauri consecrata
Dulci patrocinio,

2 b. Plaudat ergo noster chorus,

Totus laetus et decorus

Concordi tripudio.

3 a. Sanctus enim Dei Maurus,
Quem victorem mundi laurus
Coornat In specie,

3 b. Deponendo carnis molem
Clarum sidus supra solem
Felix scandit hodie.

4a. Christus jubet nos videre,
Maurus vidit semper vere
Ab adolescentia,

4b. Dum cognovit malum, cavit
Et virtutes adamavit
Atque sprevit vitia.

5 a. Puer enim duodennis,
Quo fit dies hic solennis,
Coepit Christum colere:

5b. Benedictus timens Deum
Nutrit atque docet eum
Recte semper vivere.

6 a. Jubet Christus vigilare,
Vigilasti, pater Maure,
Cum Ingenti studio:

6b. Raro somnum capiebas,
Stans vel sedens dormiebas
Indutus cilicio.

7 a. Benedicti vivens more
Fame corpus et algore
Edomabas nimio.

7 b. Nos orare Christus monet,
Hic, priusquam signum sonet,
Est In oratorio.

8 a. De virtute In virtutem

Crescens Maurus domat cutem
Obedit spiritui:

8 b. Deum amat et veretur,
Patri carus hinc habetur
Atque fratrum coetui.

9 a. Ordinatus hic levita
Ut magister vivit Ita,
Facit et miracula;

9 b. Benedicto fit sodalis
Et adjutor nullus talis
Jam erit In saecula.

10 a. Patris jussu Benedicti
Super aquas more Petri
Currens traxit Placidum,

10b. Sic qui fide non nutavit,
Super flumen ambulavit
Sicco pede liquidum.

11a. Caeco nato lumen praebet,
Grates reddit hic ut debet
Et Deum glorificat:

11b. Plures munus a languore
Benedicti sanat more,
Tres defunctos suscitat.

12 a. Invocemus ergo Maurum,

Ut de lacu vitiorum

Pie nos eripiat:

12 b. Curre, pater, et festina,
Ad te trahe, ne sentina
Barathri nos rapiat.

13 a. Tibi pater assistentes

Semper serva congaudentes
Tuo patrocinio.

13 b. Ut post mortem m sanctorum
Mereamur electorum
Adjungi consortio.